Kopenhagen, kryeqyteti danez kryeson listën e 10 qyteteve që sipas “Lonely Planet” duhen vizituar me patjetër gjatë vitit 2019.

Dhe jemi shumë krenarë që për këtë fakt, ka ndikuar edhe kuzhinieri me origjinë shqiptare Rene Rexhepi, restoranti “Noma” i së cilit u shpall triumfues në hartën e më të mirëve të kulinarisë botërore.

Në vendin e dytë renditet qyteti Shenzheni i Kinës, ndërsa në vendin e tretë është Novi Sadi, qytet i Serbisë. Ndërkohë që këshillohet të vizitohet Zadari në Kroaci, si dhe Miami në SHBA, Kathmandu në Nepal, Meksika apo dhe Meknès në Morocco.

Shenzheni, Kinë

Novi Sadi, Serbi

Lista e 10 qyteteve që duhen parë vitin e ardhshëm ofron praktikisht një miks destinacionesh të njohura dhe më pak të rrahura: qytetet popullore e marrin tashmë të gjithë vëmendjen që u duhet, ndaj konsiderohet se fokusi duhet spostuar edhe tek ata për të cilët është folur më pak.

Po le ti rikthehemi kuzhinierit me origjinë shqiptare, Rene Rexhepi, i cili është vlerësuar nga revista “Time” në 2012 si një prej njerëzve më me ndikim në botë.

Rexhepi është i biri i një shqiptari nga Maqedonia, i cili emigroi në Danimarkë dhe u martua me një shtetase daneze. 41-vjeçari është bashkëpronar i restorantit “Nome” i cili ka fituar disa çmime si restoranti më i mirë në botë.